विराटला RCB च्या कर्णधारपदावरुन हटवा ‘या’ क्रिकेटरने केली मागणी…
आयपीएल 2020 च्या एलिमिनेटर सामन्यात आरसीबी पुन्हा एकदा फ्लॉप ठरली. सनरायझर्स हैदराबादने बंगळुरू संघाचा 6 गडी राखून पराभव केला. आयपीएल कप जिंकण्याचे विराट कोहलीचे स्वप्न पुन्हा एकदा अपूर्ण राहिले.
2013 मध्ये विराट कोहलीकडे आरसीबी टीमची कमान सोपविण्यात आली होती, परंतु त्यांना एकदाही चॅम्पियन होण्याची संधी मिळाली नाही. संघाने 2016 मध्ये अंतिम सामन्यात प्रवेश केला पण त्यांना ट्रॉफी जिंकता आली नव्हती.
माजी कर्णधार गौतम गंभीरने कर्णधार म्हणून विराट कोहलीच्या फ्लॉप कामगिरीवर जोरदार टीका केली आहे, गंभीर म्हणाला की, “कोहलीने पुढे येऊन पराभवाची जबाबदारी स्विकारली पाहिजे.”
गंभीरला जेव्हा विचारले गेले की, कर्णधारपदाच्या बाबतीत आरसीबीने कोहलीनंतर पुढे विचार केला पाहिजे का, ‘१०० टक्के’, कारण ही समस्या उत्तरदायित्वाची आहे. स्पर्धेत 8 वर्षे (ट्रॉफीशिवाय), 8 वर्षे हा मोठा काळ आहे.’
गंभीर म्हणाला की, ‘मला कुठल्याही कर्णधार किंवा खेळाडू सांगा जो इतके वर्ष झाला. ट्रॉफी न जिंकूनही संघात राहिला आहे. कर्णधाराने जबाबदारी स्विकारली पाहिजे.
पुढे म्हणाला की, ‘फक्त एक वर्षाची गोष्ट नाही. फक्त या वर्षी नाही. मी विराट कोहलीच्या विरोधात नाही. पण कोठेतरी त्याला हात वर करणे आवश्यक आहे. रविचंद्रन अश्विनचे काय झाले. किंग्ज इलेव्हन पंजाबकडून खेळताना चांगला निकाल मिळू शकला नाही. त्याला काढून टाकले गेले. आम्ही एमएस धोनीबद्दल बोलतो, आम्ही रोहितबद्दल बोलतो. पण आम्ही विराट कोहलीबद्दल बोलतो? नक्कीच नाही.’
‘धोनीने 3, रोहित शर्माने 4 वेळा कप जिंकले आहेत. त्यांनी स्वत:ला सिद्ध केले म्हणून तोपर्यंत त्यांनी कर्णधारपद भूषवले. मला विश्वास आहे की जर रोहितने 8 वर्षे हे सिद्ध केले नसते तर त्यालाही काढले गेले असते. वेगवेगळ्या लोकांसाठी वेगवेगळ्या गोष्टी असू नयेत.’