‘या’ साऊथ आफ्रिकन क्रिकेटपटूच्या प्रेमात पडली ‘ही’ भारतीय तरुणी, खूपच रंजक आहे त्यांची प्रेम कहाणी…
परदेशी क्रिकेटपटूंमध्ये भारताबद्दल नेहमीच क्रेझ राहिली आहे. परदेशी क्रिकेटपटू भारतीय मुलींच्या प्रेमात पडणे किंवा त्यांच्याशी लग्न करणे ही काही नवीन गोष्ट नाही. अनेक परदेशी क्रिकेटपटूंनी भारतीय मुलींना आपले जीवनसाथी बनवले आहे. दक्षिण आफ्रिकेच्या एका क्रिकेटपटूने गेल्या वर्षी म्हणजे २०२२ मध्ये भारतीय वंशाच्या एका अतिशय सुंदर मुलीशी लग्न केले.
वेळापत्रकानुसार ते 2020 मध्ये लग्न करणार होते, पण कोविड-19 मुळे ते होऊ शकले नाही. मात्र, एप्रिल 2022 मध्ये या दक्षिण आफ्रिकेच्या क्रिकेटरने भारतीय रितीरिवाजानुसार लग्न केले. हा दक्षिण आफ्रिकेचा क्रिकेटर दुसरा कोणी नसून हनुमानाचे भक्त केशव महाराज आहे. केशव महाराज यांनी 2022 मध्ये भारतीय वंशाच्या लरीशा मुनसामीशी लग्न केले.
केशव आणि लरीशा यांची पहिली भेट एका मित्राच्या माध्यमातून झाली होती. हळूहळू दोघांची मैत्री झाली आणि नंतर त्यांच्या मैत्रीचे रुपांतर प्रेमात झाले. केशव महाराज आणि लरीशा मुनसामी यांना त्यांच्या प्रेमाचे लग्नात रुपांतर करायचे होते. या लग्नासाठी आपल्या घरच्यांना तैयार करणे त्यांच्यासाठी आव्हान होते.
केशव महाराजांना त्यांच्या कुटुंबियांना पटवणे खूप अवघड होते, कारण लरीशा आणि त्यांच्या कुटुंबाची पार्श्वभूमी पूर्णपणे वेगळी होती. मात्र केशव महाराजने हार मानली नाही थेट एक योजना आखली. केशव महाराजच्या आईचा 50 वा वाढदिवस होता. यावेळी त्याने डान्सचा कार्यक्रम ठेवला.
लरीशा मुनसामी ही एक ट्रेंड कथक नृत्यांगना आहे, म्हणून केशवने लरीशासोबत त्याच्या आईसाठी कथ्थक नृत्य केले. केशव आणि लरीशाची केमिस्ट्री पाहून क्रिकेटरच्या आईला त्यांचे प्रेम समजले आणि त्यांनी या जोडप्याच्या लग्नाला होकार दिला. लरीशाला भेटून केशव महाराजच्या आईला खूप आनंद झाला. कारण लरीशा भारतीय संस्कृतीशी पूर्णपणे जोडलेली होती.
भारतीय संस्कृती आणि चालीरीतींचा आदर कसा करायचा हे तिला माहीत होतं. केशव महाराज आणि लरीशा मुनसामी यांची 2019 मध्ये एंगेजमेंट झाली, पण कोविड-19 मुळे त्यांना 3 वर्षे लग्नाची वाट पाहावी लागली. केशव महाराज आणि लरीशा मुनसामी यांनी भारतीय रितीरिवाजांसह सात फेरे घेतले आहेत.
लरीशाच नाही तर दक्षिण आफ्रिकेचा क्रिकेटपटू केशव महाराज यांचीही मुळे भारताशी जोडलेली आहेत. केशव महाराजांचे पूर्वज भारतातील उत्तर प्रदेशातील सुलतानपूरचे आहेत. एका मुलाखतीदरम्यान केशवचे वडील आत्मानंद यांनी त्यांना सांगितले की, त्यांचे पूर्वज 1874 च्या सुमारास सुलतानपूरहून डर्बनला आले होते, कारण त्यावेळी भारतातील लोक कामाच्या शोधात दक्षिण आफ्रिकेसारख्या देशांमध्ये जात असत.
केशव महाराज यांच्या पत्नी लरीशा मुनसामी दक्षिण आफ्रिकेत खूप लोकप्रिय आहेत. तिने आपल्या नृत्याने एक वेगळे स्थान निर्माण केले आहे. बॉलीवूड गाण्यांची चाहती असण्यासोबतच लारीशा प्राणीप्रेमी देखील आहे. लरीशा खूप सुंदर आहे आणि तिचे इंस्टाग्रामवर खूप चाहते आहेत. इंस्टाग्रामवर लारीशाचे ४३.६ हजार फॉलोअर्स आहेत. ती तिचे सुंदर फोटो तसेच तिचे डान्स व्हिडिओ इंस्टाग्रामवर शेअर करत असते.